Жоқары мәртебели мийман мәмлекетимиз басшысына ҚХР Баслығы Си Цзиньпинниң сәлеми ҳәм ең жақсы тилеклерин жеткерди.

Ушырасыўда Өзбекстан ҳәм Қытай арасындағы көп қырлы бирге ислесиў ҳәм әмелий шерикликти жоқары дәрежеде ерисилген келисимлерге муўапық және де кеңейтиў мәселелери көрип шығылды.

Кейинги жылларда Өзбекстан - Қытай қатнасықларында ҳәр тәреплеме стратегиялық шериклик қатнасықларында жоқары дәрежеге ерисилгени қанаатланыўшылық пенен атап өтилди.

Өз-ара товар алмасыў ҳәм инвестициялардың көлеми турақлы артып бармақта, Қытайдың жетекши компанияларының қатнасыўындағы қоспа жойбарлар ҳәм кәрханалардың саны көбеймекте.

Парламентлераралық ҳәм партиялараралық бирге ислесиўди беккемлеў зәрүрлигине айрықша итибар қаратылды.

Жоқары ҳәм профессионал билимлендириў тараўындағы кооперацияны тереңлестириў, соның ишинде, мәмлекетимизде Қытайдың жетекши жоқары билимлендириў мәкемелериниң филиалларын ашыў әҳмийетли екени атап өтилди.

Ушырасыў жуўмағында тәреплер парламентлераралық ҳәм партиялараралық бирге ислесиўди кеңейтиў бойынша биргеликтеги "жол картасы"н қабыл етиўге келисип алды.