Көп қырлы Өзбекстан-Грузия қатнасықларын және де кеңейтиў мәселелери
көрип шығылды.
Мәмлекетимиз басшысы Грузия Президентине шын жүректен қабыллағаны ушын
миннетдаршылық билдирип, бул мәмлекетке бул ретки мәмлекетлик сапары соңғы 23
жылда биринши мәрте өтип атырғанын айрықша атап өтти.
Парламентлер, ҳүкиметлер ҳәм исбилермен топарлар дәрежесиндеги
байланыслар жеделлескени қанаатланыўшылық пенен атап өтилди.
Өткен жылдың жуўмақларына бола товар алмасыў 270 миллион долларды қурады,
биргеликтеги жойбар ҳәм кәрханалардың саны артып бармақта. Мәмлекетимизде Грузияның биринши "TBC"
санлы банки табыслы жумыс алып бармақта. Ташкент, Тбилиси ҳәм Батуми арасында
тиккелей авиақатнаўлар әмелге асырылмақта. Усы жылдың март айында пайтахтымызда
Грузия мәденияты күнлери табыслы өткерилди.
Өз-ара саўда
көлемин, соның ишинде, Поти ҳәм Батуми портларының потенциалынан нәтийжели
пайдаланған ҳалда арттырыўға тийкарғы итибар қаратылды.
Фармацевтика,
химия, аўыл хожалығы, транспорт, энергетика, санлы технологиялар ҳәм туризм
тараўларында кооперацияны алға қойыў ушын бар имканиятлар көрсетип өтилди.
Исбилерменлик,
туризм ҳәм гуманитарлық алмасыўларды жолға қойыў ушын аймақлар арасындағы байланысларды
кеңейтиў әҳмийетли екени атап өтилди.
Ушырасыў соңында
Шавкат Мирзиёев Михаил Кавелашвилини сапар менен мәмлекетимизге келиўге мирәт
етти.
