Пайтахт ҳәкимлигиниң мәлим етиўинше, бул көрсеткишлер Ташкент қаласында
қурылыс пәтиниң избе-из даўам етип атырғанынан айқын дәрек береди.
Есап бериў дәўиринде 151 көп қабатлы турақ жай пайдаланыўға тапсырылып,
халыққа 11 мың 270 жаңа квартира берилди.
Сондай-ақ, 7 социаллық объект, соның ишинде, 3 мектепке шекемги
билимлендириў шөлкеми ҳәм 4 социаллық объект жумыс баслады.
Бүгин қурылып атырған қурылыслар ертеңги күнимизге қолайлы турмыс
жаратыўға хызмет етеди. Жаңа турақ жайлар ҳәм социаллық объектлер санының өсиўи
Ташкент заманагөй, қолайлы ҳәм турмыс ушын және де тартымлы мегаполис сыпатында
избе-из раўажланып атырғанын көрсетпекте.
