Атап айтқанда, ҳүжжет пенен төмендегилер тастыйықланды:
Өзбекстан Республикасы Азық-аўқат өнимлери қәўипсизлиги комитети
ҳаққындағы реже (1);
Азық-аўқат өнимлери қәўипсизлиги комитети жанындағы Азық-аўқат өнимлери
қәўипсизлиги тараўын раўажландырыў қоры ҳаққындағы реже (2).
1-статья Комитеттиң статусын, тийкарғы ўазыйпаларын, функцияларын,
ҳуқықлары менен миннетлемелерин, Комитет жумысын шөлкемлестириў тәртибин,
сондай-ақ, Комитет Баслығы ҳәм оның орынбасарларының тийкарғы функционал
ўазыйпалары менен миннетлемелерин белгилейди.
Комитет азық-аўқат өнимлериниң қәўипсизлиги мәселелерин, фитосанитария
ҳәм ветеринария мәселелерин тәртипке салыў ҳәм қадағалаў тараўында бирден-бир
мәмлекетлик сиясатты әмелге асырыўшы республиканың бирден-бир бийғәрез
атқарыўшы уйымы болып есапланады.
Комитет тиккелей
Президент ҳәм Министрлер Кабинети (Инвестициялар, экспорт, саўда, аўыл хожалығы
ҳәм суў хожалығын басқарыў мәселелери бойынша Бас министрдиң орынбасары)
алдында есап береди.
Комитетке ЖИ
технологияларының имканиятларынан пайдаланған ҳалда қәўип-қәтерлерди басқарыў
ҳәм қәўип-қәтерди таллаў тийкарында нәтийжели қадағалаўды шөлкемлестириўди
нәзерде тутатуғын бирден-бир автоматластырылған мәлимлеме платформасын иске
қосыў, сондай-ақ, халықты қәўипли азық-аўқат өнимлери ҳаққында оператив
ескертиў ҳәм бундай өнимлерди қайтарыўдың электрон системасын жаратыў ўазыйпасы
қойылды.
Комитет жанындағы
азық-аўқат өнимлери қәўипсизлиги тараўын раўажландырыў бюджеттен тысқары қоры
Ветеринария хызметин ҳәм шарўашылықты раўажландырыў қоры және Өсимликлер
карантини ҳәм оны қорғаў системасын раўажландырыў қоры тийкарында
шөлкемлестирилди.
2-режеде Қорды
қаржыландырыў ҳәм оның қаржыларын жумсаў механизмлери, Қордың дәраматлары ҳәм
қәрежетлери сметасын дүзиў ҳәм тастыйықлаў, қаржылардан пайдаланыўды есапқа
алыў, есап бериў, қадағалаў ҳәм есап бериў нәзерде тутылған.
Қорды
қәлиплестириў дәреклери:
Азық-аўқат
бизнеси операторларынан алынатуғын қаржылардың 100 проценти азық-аўқат
өнимлериниң жаңа түрлерин, азық-аўқат қосымшаларын, химиялық затларды ҳәм
өсимликлерди қорғаў қуралларын дизимнен өткериўден;
Азық-аўқат
өнимлериниң қәўипсизлигин қадағалаў бойынша шегара инспекциясы тәрепинен
көрсетилген хызметлерден алынған қаржылардың 100 проценти;
Өсимликлерди
қорғаў ҳәм ветеринария препаратлары орайы тәрепинен көрсетилген хызметлерден
алынған қаржылардың бир бөлеги шегирип тасланғаннан кейин қалған қаржылардың 80
проценти;
азық-аўқат ҳәм
аўыл хожалығы өнимлерине санитариялық-эпидемиологиялық жуўмақлар бериў ҳәм
оларды арнаўлы экспертизадан өткериў бойынша мәмлекетлик хызметлер көрсетилгенлиги
ушын жыйымлар (төлемлер);
азық-аўқат
өнимлериниң қәўипсизлиги, ветеринария ҳәм фитосанитария ҳәм басқа да тараўларда
барлық лицензиялаў, руқсат бериў ҳәм хабардар етиў тәртип-қағыйдаларын
орынлаўда өндирилетуғын жыйымлар ҳәм төлемлер.
Ҳүжжет Нызамшылық
мағлыўматлары миллий базасында жәрияланған ҳәм 22.07.2026-жылдан күшке кирди,
деп хабар бермекте “Norma” мәлимлеме-ҳуқықый порталы.
