«Дунё» ақпарат агенттігінің хабарлауынша, бұл бағыттағы келіссөздер Венгрия астанасы Будапешт қаласында «MOL Group» басшылығы мен «SHB ROAD INVEST» өкілдері арасында болып өтті.
Кездесу Өзбекстан елшілігінің қолдауымен өнеркәсіптік кооперацияны кеңейтуге және озық технологияларды тартуға бағытталған іс-әрекеттер аясында ұйымдастырылды.
RMB технологиясы ескі автокөлік шиналарын қайта өңдеу нәтижесінде алынатын резеңке үгінділерін жол битумына қоспа ретінде пайдалануды көздейді. Бұл әдіс жол құрылысына қажетті материалдарды өндіруде қайталама шикізатты қолдануға мүмкіндік береді.
Өзбекстан тарапынан жобаға серіктес ретінде «SHB ROAD INVEST» компаниясы дипломаттардың іс-әрекеттері нәтижесінде тартылды. Қол қойылған меморандумда аталған технологияны Өзбекстанда енгізу мәселелерін алдағы уақытта бірлесіп пысықтау қарастырылған.
Бастама жүзеге асырылған жағдайда, ол елде заманауи жол құрылысы материалдарының өндірісін дамытуға, автомобиль шиналарын қайта өңдеу көлемін арттыруға, сондай-ақ Өзбекстан мен Венгрия кәсіпорындары арасындағы технологиялық ынтымақтастықты нығайтуға ықпал етуі мүмкін.
Өзбекстан елшілігі компаниялар арасындағы ынтымақтастықты дамытуға және қол жеткізілген келісімдерді іске асыру бойынша практикалық қадамдарды әзірлеуге жәрдемдесуді жалғастырады.
