Рухсатномани қуйидаги усулларда олиш мумкин:

  • my.uzbmb.uz сайтидаги шахсий кабинет орқали. Бунинг учун «Фанлар мажмуаси» саҳифасига кириб, юқори қисмида жойлашган «Абитуриент рухсатномаси» бўлимидан ҳужжатни юклаб олиш мумкин.
  • Шунингдек, шахсий кабинетга кирмасдан ҳам махсус саҳифа орқали паспорт (ёки ID-карта) серияси ва рақами ҳамда ЖШШИРни киритган ҳолда рухсатномани олиш имконияти мавжуд.

Абитуриентлар тест синовларига белгиланган вақтдан кечикмаган ҳолда паспорт ёки ID-карта ҳамда абитуриент рухсатномаси билан келишлари шарт.

Масъуллар огоҳлантиришича, паспорт нусхаси ёки бошқа ҳужжатлар билан келган, шунингдек, тест синовига кечиккан абитуриентлар имтиҳонга киритилмайди.