Бунинг учун талабгор ўз фаолиятини махсус электрон тизим ёки ЯИДХП орқали ваколатли органга бепул хабар қилиши лозим.
Режим амал қилган 3 ой давомида талабгор муайян фаолиятни лицензиясиз ёки рухсат этиш хусусиятига эга ҳужжатсиз амалга оширгани учун жавобгарликка тортилмайди.
Ушбу муддат давомида талабгор фаолиятини лицензия ёки рухсат бериш талаблари ва шартларига мувофиқлаштириши, тегишли лицензия ёки рухсат этиш хусусиятига эга ҳужжатни белгиланган тартибда олиши ёки мазкур фаолиятни тугатиши керак.
Шунингдек, қонун билан махфий ҳужжатларни 30 йил мобайнида сақлаш белгиланди.
Шахсий таркиб бўйича ҳужжатларни сақлаш муддатлари ҳам аниқлаштирилди. Жумладан, 2019 йил 1 январгача иш юритуви якунланган ҳужжатлар идоравий архивларда 75 йил, 2019 йил 1 январдан кейин шакллантирилган ҳужжатлар эса 50 йил сақланади.
