Расмий маълумотга кўра, мазкур ҳолат юзасидан Учқўрғон тумани ИИБ Тергов бўлими томонидан 12 сентябрь куни Жиноят кодексининг 118-моддаси 4-қисми ва 112-моддаси 1-қисми билан жиноят иши қўзғатилган.

Жиноят содир этишда гумонланаётган шахс К.М. шу куни процессуал тартибда ушланган ва суд томонидан унга нисбатан қамоқ эҳтиёт чораси қўлланган.

Ҳозирда иш бўйича дастлабки тергов ҳаракатлари давом этмоқда.

Болалар омбудсмани жабрланувчи боланинг қонуний манфаатлари таъминланишини кузатиб бормоқда. Ҳудуддаги «Инсон» ижтимоий хизматлар маркази мутахассислари томонидан болага зарур психологик, тиббий, ижтимоий ва ҳуқуқий ёрдам кўрсатилган. Унинг ўзи ва оиласига кўмак бериш ишлари давом этмоқда.

Шу билан бирга, ижтимоий тармоқларда ҳолатга оид турли тасдиқланмаган маълумотлар тарқалмоқда.

Болалар омбудсмани бундай хабарларни тарқатиш жабрланувчи боланинг ҳуқуқ ва манфаатларига зарар етказиши мумкинлигини таъкидлади.

ОАВ ва ижтимоий тармоқларда мазкур ишни ёритишда боланинг шахси, шаъни ва қадр-қимматини ҳимоя қилиш ҳамда фақат расмий манбаларда эълон қилинган маълумотларга таяниш сўралди.