Қонун лойиҳаси «Адолат» социал-демократик партияси фракцияси ташаббуси асосида ишлаб чиқилган.
Олий Мажлис Қонунчилик палатаси Кенгашининг йиғилишида мазкур қонун лойиҳасини Қонунчилик палатасининг навбатдаги ялпи мажлиси кун тартибига киритиш ҳақида қарор қабул қилинди. Шунингдек, палатанинг Демократик институтлар ва фуқаролик жамиятини ривожлантириш масалалари қўмитаси қонун лойиҳаси учун масъул этиб белгиланди.
Ҳужжат билан Жиноят, Жиноят-процессуал кодекслари, Маъмурий жавобгарлик тўғрисидаги кодекс ҳамда қатор қонун ҳужжатларига болаларга нисбатан зўравонлик ҳолатлари учун жавобгарлик чораларини кескин кучайтиришга қаратилган ўзгартириш ва қўшимчалар киритиш кўзда тутилмоқда.
Қонун лойиҳаси 29 сентябрь куни Қонунчилик палатасининг навбатдаги мажлисида кўриб чиқилади.
