Қонунга кўра, мазкур норма 2020 йил 1 январдан 2024 йил 1 июнгача бўлган даврга нисбатан татбиқ этилади. Шу муносабат билан солиқ органлари томонидан ушбу муддат учун аввал ҳисобланган солиқ суммалари қайта ҳисоб-китоб қилинади.
Ҳужжат билан, шунингдек, ўзбошимчалик билан эгалланган ер участкалари ҳамда уларда қурилган бино ва иншоотларга бўлган ҳуқуқларни эътироф этиш тартибини такомиллаштиришга қаратилган қатор ўзгартишлар киритилди.
Жумладан:
- ваколатли ташкилотлар масъулиятини ошириш;
- ҳуқуқни эътироф этишга тўсқинлик қилувчи айрим механизмларни соддалаштириш;
- фуқаролар учун қўшимча қулайликлар яратиш мақсадида солиқ қарздорлиги тушунчасини аниқлаштириш;
- ҳуқуқларни эътироф этиш билан боғлиқ бўлган ҳужжатларни кўриб чиқиш муддатларини қисқартириш;
- ҳуқуқларни эътироф этиш учун бир марталик тўловни бўлиб-бўлиб тўлашни амалга ошириш тартиби ва шартларини белгилаш;
- ҳуқуқларни эътироф этиш ишлари билан боғлиқ шикоятларни кўриб чиқиш механизмларини такомиллаштириш.
