TV2 телеканали Осло полициясига таяниб хабар беришича, Жаҳон чемпионати 1/8 финал ўйинида Норвегиянинг Бразилия устидан қозонган ғалабасини нишонлаш учун Ослода бўлиб ўтган мушакбозлик оқибатида тахминан 30 киши тиббий ёрдамга мурожаат қилган.
Ҳуқуқни муҳофаза қилиш органлари маълумотларига кўра, 30 нафар жароҳатланган киши шаҳарнинг шошилинч тиббий ёрдам бўлимларига олиб кетилган. Осло полицияси бошлиғи Эйвинд Хаммервольд жароҳатлар жиддий эмаслигини айтди.
TV2 каналининг хабар беришича, миллий терма жамоанинг ғалабасини нишонлаш учун ўтказилган мушакбозликни тахминан 100 000 киши томоша қилган.
Норвегия 5 июль куни Бразилияни 2:1 ҳисобида мағлуб этиб, ўз тарихида биринчи марта Жаҳон чемпионати чорак финалига йўл олди, бу босқичда улар Англия билан тўқнаш келишади, деб хабар берди tass.ru.
