Маълум қилинишича, дастур доирасида иштирокчилар Италиянинг Perugia University ҳамкорлигида ташкил этилган итальян тили курсларида 7 ой давомида онлайн таълим олади.

Қайд этилишича, ўқув жараёнлари иштирокчилар учун қулай вақт ва форматда ташкил этилади. Таълим харажатлари эса Миграция агентлиги томонидан қопланади ва ойига 550 евро миқдорида маблағ ажратилади.

Дастурни муваффақиятли якунлаган иштирокчилар Италиянинг Милан шаҳрида ойига 1800 евро маошли иш билан таъминланиши белгиланган.

Таъкидланишича, мазкур дастур аллақачон амалга оширилмоқда ва илк иштирокчилар Италия тиббиёти стандартлари бўйича билим олишга муваффақ бўлган.