Париж шаҳрида бўлиб ўтган Мактабгача ва мактаб таълими вазири Эъзоза Каримова ҳамда ЮНEСКО Бош директори Ҳошим Ал-Анани ўртасида учрашув доирасида бу бўйича битим имзоланди.
Бу ҳақда вазирлик ахборот хизмати маълум қилди.
Қайд этилишича, мазкур лойиҳа Марказ Осиё ва Тинч океани минтақасида илк бор ташкил этилаётган ташаббус ҳисобланади.
Маълум қилинишича, ушбу ғоя илк бор 2025 йил ноябрь ойида Самарқанд шаҳрида ўтган ЮНEСКО Бош конференциясининг 43-сессияси очилишида Ўзбекистон Республикаси Президенти Шавкат Мирзиёев томонидан илгари сурилган эди.
Янги марказнинг асосий вазифалари қуйидагилардан иборат:
- мактабгача таълим соҳасидаги ислоҳотларни халқаро тажриба ва экспертлар орқали қўллаб-қувватлаш;
- Ўзбекистонни эрта ёшдаги таълим йўналишида минтақавий «хаб» сифатида шакллантириш;
- United Nationsнинг Барқарор ривожланиш мақсадлари доирасида 4.2-мақсад (барча болалар учун сифатли эрта ривожланиш ва тайёрлов таълими) ижросини жадаллаштириш.
Учрашув давомида ЮНEСКО раҳбари Ўзбекистон Президентининг ташкилот билан ҳамкорликни мустаҳкамлаш борасидаги саъй-ҳаракатларини юқори баҳолаб, мамлакатнинг таълим, маданият ва фан соҳаларидаги халқаро ташаббусларини алоҳида эътироф этди.
