“Гамбия Республикасининг Ўзбекистондаги Фавқулодда ва Мухтор Элчиси Алкали Фанка Контех жанобларидан ишонч ёрлиқларини қабул қилдик, – деб ёзди Ўзбекистон ТИВ раҳбари ўзининг telegram-каналида. – Ўзбекистон Африка давлатлари билан ўзаро манфаатли алоқаларни кенгайтиришга алоҳида аҳамият қаратмоқда. Бу борада Гамбия билан ҳали тўлиқ фойдаланилмаган улкан салоҳият мавжуд.
Савдо-иқтисодий алоқаларни йўлга қўйишга алоҳида эътибор қаратдик.
Элчи жанобларининг юртимиздаги фаолияти икки томонлама муносабатларни аниқ амалий мазмун билан бойитишга хизмат қилишига ишонамиз”.
Эслатиб ўтамиз, Алкали Фанка Контех Гамбиянинг Ўзбекистондаги биринчи элчиси бўлиб, мамлакатларимиз ўртасида дипломатик муносабатлар 2024 йил 14 мартда ўрнатилган.
