Унда Қорақалпоғистон Республикаси Жўқорғи Кенгесининг Раиси Аманбай Орынбаев сўзга чиқиб, йиғилганларни байрам билан табриклади.Таъкидланганидек, она тили – бу мулоқот воситаси бўлиши билан бирга, бир неча асрлар давомида ўз қадр-қимматини йўқотмасдан, биз авлодларга етиб келган бебаҳо хазинадир. Ҳар бир халқнинг ўзига хос хусусиятини, ҳар бир юртнинг тараққиёт босқичлари ва истиқболини белгилашда она тилининг тутган ўрни алоҳида саналади. Шу боис, ҳар бир ўсиб келаётган авлод она тилини асраб-авайлаши, унинг келгуси авлодга безавол етиб боришини таъминлаши керак. Сўнгги йилларда юртимизда она тилимизни асраб-авайлашга, уни янада бойитишга алоҳида эътибор қаратилиб, бу борада кенг кўламли эзгу ишлар амалга оширилмоқда. Албатта, буларнинг барчаси она тилимизга бўлган юксак эътибор ва ғамхўрликнинг амалдаги ифодасидир.Ўтказилган байрам тантанасида она тилимизга ҳурмат кўрсатиш борасида амалга оширилаётган чора-тадбирлар кенг турда сўз этилди. Байрам тадбири санъат ва маданият ходимлари ижросидаги концерт дастури билан давом этди.