Кўргазмада 2 мингдан зиёд маҳсулот ва технологик ечимлар намойиш этилди. Кун давомида давлат буюртмачилари, ишлаб чиқарувчилар ва инвесторлар иштирокида B2B ва B2G учрашувлари ҳамда амалий музокаралар ўтказилди. Биринчи кун якунларига кўра, кўргазмада 80 дан ортиқ корхоналар иштирок этди. Кўргазмага 1200 нафардан ортиқ иштирокчилар ташриф буюрди. B2B учрашувлари — 30 та, B2G учрашувлари — 20 та, давлат харидлари орқали 4 778 та 490 млрд сўмлик шартнома имзоланди. Янги алоқаларни йўлга қўйиш мақсадида 81 та ҳамкорлик меморандумлари имзоланди. Кўргазма эртага ҳам давом этади. Иккинчи кун давомида ҳамкорлик меморандумлари ва шартномаларини имзолаш, янги ишлаб чиқариш лойиҳалари бўйича музокаралар ҳамда амалий учрашувлар давом эттирилади.