Тантанали маросимда Халқаро туркий маданият ташкилоти (ТУРКСОЙ) Бош котиби Султон Раев сўзга чиқиб, Ўзбекистон халқ шоири Муҳаммад Юсуфнинг «Нечун қуллуқ қилмай Андижонга мен« номли шеърини ўқиб эшиттирди.
Туркий халқлар ўртасидаги маданий алоқаларни янада мустаҳкамлашга хизмат қилган ушбу тарихий лаҳза, нафақат ўзбек шеърияти жозибасини балки она тилимизнинг юксаклигини халқаро саҳнада яна бир бор юксак чўққига олиб чиқди. Бўлиб ўтган тадбирлар давомида янграган миллий наволар ва санъат усталарининг чиқишлари қардош эллар ўртасидаги маданий ҳамкорлик ҳамда дўстлик ришталарини янада мустаҳкамлашга хизмат қилди.
Халқаро маданий форумнинг ёпилиш тантаналарига улуғворлик бағишлаган мушаклар намойиши эса иштирокчилар ва хорижий меҳмонлар қалбида ёрқин из қолдирди.
