Инфантино ўзининг расмий саҳифасида эълон қилган мурожаатида Ўзбекистон футболчилари бутун дунёга ва ўз юрти аҳолисига ҳар қандай буюк орзу амалга ошиши мумкинлигини исботлаганини таъкидлади.
«Сиз бутун дунёга ва ўз юртингиздаги инсонларга ҳар қандай катта орзу амалга ошиши мумкинлигини исботладингиз», — деб ёзди ФИФА раҳбари.
Унинг қайд этишича, Ўзбекистон терма жамоасининг Жаҳон чемпионатидаги илк голини стадионда шахсан кузатган ва ўша дақиқаларда футболчилар ҳамда мухлислар қандай ҳаяжонни бошдан кечирганини яхши ҳис қилган.
«Ишончим комилки, бу тарихий тажриба Ўзбекистонда футболнинг янада ривожланишига катта туртки беради. Келажакда сизларга омад тилайман», — деди Жанни Инфантино.
