Тадбир туманнинг Куйовбоши маҳалласи ҳудудидаги адирликда бўлиб ўтди. Унда 100 нафарга яқин экофаол иштирок этиб, ҳудудни чиқиндилардан тозалаш, атроф-муҳитни муҳофаза қилиш ва экологик маданиятни юксалтиришга ўз ҳиссасини қўшди.

Акция давомида иштирокчилар жамоавий тарзда тозалаш ишларини амалга ошириб, табиатни асраш, яшил ҳудудларни сақлаш ва обод муҳит яратишга қаратилган ташаббусларни қўллаб-қувватлади.

Мутахассислар таъкидлашича, бундай тадбирлар аҳолининг экологик онгини ошириш, табиатга эҳтиёткор муносабатни шакллантириш ҳамда соғлом турмуш тарзини тарғиб этишда муҳим аҳамиятга эга.

Шунингдек, бундай экологик акциялар ёшлар ўртасида масъулиятни кучайтириш ва ҳудудларни озода сақлаш маданиятини ривожлантиришга хизмат қилмоқда.