Дар ин хатсайр Президент Шавкат
Мирзиёев ҳамроҳ бо намояндагони ҷомеа сафари аввалро анҷом дода, аз Қӯқанд
ба Марғилон омад.
Ин лоиҳа дар доираи қарори Президенти Ҷумҳурии Ӯзбекистон
аз 27 декабри соли 2025 «Дар бораи чораҳо оид ба баланд бардоштани нишондиҳандаҳои
ҳамлу нақли мусофирон тавассути роҳи оҳан дар хатсайрҳои маҳаллӣ то соли 2030»
амалӣ шудааст.
Лоиҳа ба беҳтар намудани пайвастагии нақлиётӣ дар водии
сераҳолии Фарғона, фароҳам овардани воситаи қулай, бехатар ва дастрас барои шаҳрвандон,
инчунин зиёд намудани ҳаҷми интиқоли мусофирон равона шудааст.
Ҳалқаи роҳи оҳани 324-километра вилоятҳои водиро боз ҳам
наздиктар намуда, барои сокинон, соҳибкорон ва сайёҳон имкониятҳои нав фароҳам
меорад.
Қатораи нав дар корхонаи сохтмон ва таъмири вагонҳои
мусофирбари Тошканд истеҳсол шудааст. Таркиби он аз шаш вагон иборат буда,
барои 586 ҷойи нишаст пешбинӣ гардида, метавонад то 120 километр дар як соат ҳаракат
кунад.
Нархи чипта 15 ҳазор сӯмро ташкил медиҳад, ки нисбат ба
нақлиёти автомобилӣ хеле арзонтар аст. Имконияти хизматрасонӣ ба то 1,5 ҳазор
мусофир дар як рӯз ва тақрибан 600 ҳазор мусофир дар як сол ба рушди фаъолияти
иқтисодӣ дар минтақа мусоидат мекунад.
Дар
вагонҳо низоми танзими ҳарорат ва кондитсионер насб шудааст. Ҳамчунин Wi-Fi-и
ройгон ва портҳои USB барои истифодаи дастгоҳҳо мавҷуданд. Барои шахсони дорои
маъюбият бардоракҳои махсус, ҷойҳои васеъ ва ҳоҷатхонаҳои мутобиқшуда
пешбинӣ шудаанд. Мавҷудияти ҷойҳои махсус барои велосипедҳо
имконияти
идомаи ҳаракати мусофиронро баъд аз сафар васеъ менамояд.
Системаҳои
назорати видеоӣ ва унсурҳои зиддизарба ба меъёрҳои байналмилалии бехатарӣ ҷавобгӯ
мебошанд.
Дар
ҷараёни сафар Президент ҳамчунин бо фаъолони минтақа суҳбат анҷом дод.
Қайд
гардид, ки хатсайри нави ҳалқавии роҳи оҳан иқтидори сайёҳии водии Фарғонаро ба
сатҳи нав мебарорад. Ҳамчунин зарурати ташкили инфрасохтори хизматрасонӣ, меҳмонхонаҳо
ва муассисаҳои хӯрокворӣ дар назди истгоҳҳо таъкид шуд, ки ин барои аҳолии маҳаллӣ
манбаъҳои иловагии даромад фароҳам меорад.
