Пас аз ин натиҷа вазъ дар гурӯҳ чунин аст: Колумбия — 6 хол, Португалия — 4 хол, Ҷумҳурии Демократии Конго — 1 хол, Ӯзбекистон — 0 хол.
Бо вуҷуди ду бохт дар оғози мусобиқа, тақдири роҳ ёфтани
мунтахаби Ӯзбекистон ба даври баъдӣ дар бозии охирини марҳилаи гурӯҳӣ ҳал хоҳад
шуд.
Барои нигоҳ доштани умеди роҳхат, мунтахаби Ӯзбекистон
бояд ҳатман Ҷумҳурии Демократии Конгоро мағлуб кунад. Аммо танҳо пирӯзӣ
метавонад кофӣ набошад, зеро фарқи тӯбҳои задаву гузаронидашуда низ аҳамияти
калон дорад. Илова бар ин, роҳ ёфтани даста ба марҳилаи баъдӣ аз натиҷаҳои
дигар гурӯҳҳо низ вобаста хоҳад буд.
Тибқи низомномаи мусобиқа, ба марҳилаи плей-офф 32 даста роҳ меёбанд: дастаҳои ҷойҳои
якум ва дуюми гурӯҳҳо, инчунин ҳашт дастаи беҳтарине, ки ҷойи сеюмро ишғол
мекунанд.
Ёдовар мешавем, ки бозии байни Ӯзбекистон ва Ҷумҳурии
Демократии Конго 28 июн,
соати 04:30 бо вақти
Тошканд дар варзишгоҳи «Mercedes-Benz»-и
шаҳри Атланта баргузор шуда, барои ҳар ду даста ҳалкунанда хоҳад буд.
Сармураббии мунтахаби Ҷумҳурии Демократии Конго Себастен Десабр изҳор дошт, ки
дастаи ӯ маҷбур аст бо таваккали бештар бозӣ кунад, зеро натиҷаи мусовӣ онҳоро қонеъ
намекунад. Ба гуфтаи ӯ, ин рақобат барои ҳар ду даста аҳамияти ҳалкунанда дорад
ва нисбат ба бозиҳои қаблӣ муносибати дигарро талаб мекунад.
Ҳамчунин, таваҷҷуҳи зиёдро пешгӯиҳои платформаи "Polymarket" ба худ ҷалб
кардааст. Иштирокчиёни ин платформа Ҷумҳурии Демократии Конгоро фаворити бозӣ
медонанд ва эҳтимоли пирӯзии онро 55–56
дарсад арзёбӣ мекунанд. Эҳтимоли пирӯзии мунтахаби Ӯзбекистон
бошад, тақрибан 21–22 дарсад
ҳисоб шудааст.
