Ин чораҳо пеш аз ҳама ба назорати қатъии вуруд ба шаҳри
муқаддаси Макка равона гардидаанд, хабар медиҳад АИ «Дунё».
Тибқи қоидаҳои нав, аз 13 апрели соли 2026 вуруд ба Макка
танҳо бо доштани иҷозатномаи махсус имконпазир аст.
Ҳуқуқи вуруд танҳо ба шахсони зерин, ки ҳуҷҷатҳои расмии
иқомат дар Макка, иҷозатномаи расмии адои Ҳаҷро доранд, кормандоне, ки
иҷозатҳои махсуси электронии корӣ доранд, ки тавассути платформаҳои «Tasrih»,
«Absher Afrad» ва «Bawaba Muqim» дода шудаанд, дода мешавад.
Ғайр аз ин, аз 18 апрели соли 2026 вуруд ва будубош дар
Макка барои ҳамаи соҳибони ҳар гуна раводид (ба истиснои раводиди Ҳаҷ) манъ
карда мешавад. Барои
зоироне, ки бо раводиди Ҳаҷ омадаанд, муҳлати ниҳоии тарки кишвар 18 апрели
соли 2026 муайян шудааст. Аз
18 апрел то 31 май додани иҷозатномаҳо барои Ҳаҷ муваққатан қатъ карда мешавад.
Гуфта мешавад, ки барои риоя накардани қоидаҳо ҷаримаҳои
сахт пешбинӣ шудаанд. Аз ҷумла: шахсоне, ки қоидаҳоро вайрон мекунанд ё ба
вайрон кардани онҳо мусоидат менамоянд, метавонанд то 20 ҳазор риёл (тақрибан
5,5 ҳазор доллари ИМА) ҷарима шаванд. Барои интиқоли ғайриқонунӣ, пинҳон кардан
ё мусоидат ба зоирон дар давраи аз 18 апрел то 31 май ҷарима то 100 ҳазор риёл
(тақрибан 26,5 ҳазор доллар) пешбинӣ шудааст.
Қонуншиканон метавонанд аз кишвар хориҷ карда шуда, то 10
сол аз ҳуқуқи вуруд маҳрум гарданд. Воситаҳои нақлиёте, ки барои интиқоли
ғайриқонунӣ истифода шудаанд, мусодира карда мешаванд.
Вазорати корҳои дохилии Арабистони Саудӣ аз ҳамаи
шаҳрвандон ва зоирон даъват кардааст, ки қоидаҳои муқарраршударо қатъиян риоя
намоянд. Барои хабар додан дар бораи қонуншиканиҳо рақамҳои махсус ҷорӣ
шудаанд. Шаҳрвандон метавонанд дар минтақаи Макка ба рақами 911 занг зананд.
Ба шаҳрвандони Ӯзбекистон тавсия дода мешавад, ки Ҳаҷро
танҳо ба таври расмӣ ва қонунӣ анҷом диҳанд. Сафар бидуни иҷозат метавонад на
танҳо ба ҷаримаҳои молиявӣ, балки ба ихроҷ ва манъи дарозмуддати вуруд ба
кишвар оварда расонад.
