Aniqlanishicha, 27.10.2023-yil soat 23:30 larda fuqaro N.R. viloyat IIBning “102” qisqa raqamiga qilgan murojaati asosida Andijon shahar IIO FMB profilaktika inspektorlari Andijon shahar 3-kichik daha 7-uy 22-xonadonga yetib kelgan. Xonadon egasi fuqaro N.G. uyning derazasi tashqi tomoniga chiqib, hayotdan toʻyganligini bildirib baqirayotgan boʻlgan.

Xonadon eshigi berkligi sababli viloyat FVBning qutqaruv otryadi xodimlari chaqirtirilib, eshik ochib kirilib, derazaning tashqi tomonida turgan fuqaro N.G.dan pastga tushishi aytilgan. Fuqaro N.G. ehtiyotsizligi tufayli sirpanib 3-qavatdan tushib ketgan.

Oqibatda fuqaro N.G. ogʻir tan jarohatlari bilan Respublika shoshilinch tibbiy yordam ilmiy markazining viloyat filialiga olib borilgan va tibbiy yordam koʻrsatilib, hayoti saqlab qolingan.
Hozirda mazkur holat boʻyicha Andijon shahar prokuraturasi tomonidan tergovga qadar tekshiruv harakatlari olib borilmoqda.