Maʼlum qilinishicha, poyezd soatiga 160 kilometr tezlikda harakatlanishi va bir vaqtning oʻzida 415 nafar yoʻlovchini tashishi mumkin. U Toshkent — Andijon yoʻnalishida harakatlanib, masofani taxminan 3 soatda bosib oʻtishi koʻzda tutilgan.

Yangi tezyurar poyezd qatnovining yoʻlga qoʻyilishi Toshkent va Andijon oʻrtasidagi transport aloqalarini yaxshilash, yoʻlovchilar uchun tezkor, qulay va zamonaviy xizmatlarni taʼminlashga xizmat qiladi.

Yangi qatnov hududlar oʻrtasidagi harakatchanlikni oshirish bilan birga, aholining safarlarini yanada qulay tashkil etish imkonini beradi.