Bekobod tumani Tibbiyot birlashmasi atrofida qad rostlayotgan xususiy korxona qurilish chogʻida 1 tup qayragʻoch daraxtini noqonuniy kesganlik holati aniqlandi.

Toshkent viloyati Ekologiya boshqarmasi davlat inspektorlari tomonidan holatga oydinlik kiritilib, xususiy korxona hech qanday ruxsatnomasiz daraxtni kesganligi maʼlum boʻldi. Mazkur holat yuzasidan ushbu xususiy korxona rahbari X.I.ga nisbatan Maʼmuriy javobgarlik toʻgʻrisidagi kodeksning 79-moddasi 1-qismiga asosan maʼmuriy bayonnoma rasmiylashtirildi va bazaviy hisoblash miqdorining besh barobari miqdorida jarima qoʻllanildi.

Soha xodimlari tomonidan tabiatga yetkazilgan zarar 62 700 000 soʻm deb hisob-kitob qilindi.