Mamlakatimizda voleybol sport turini yanada rivojlantirish, qo‘shni davlatlar bilan sport yo‘nalishidagi o‘zaro aloqalarni yanada mustahkamlash maqsadida joriy yilning 15-24-avgust kunlari Farg‘ona shahrida ilk marotaba voleybol bo‘yicha erkaklar va ayollar jamoalari o‘rtasida Markaziy Osiyo chempionati o‘tkaziladi. 

Birinchi Markaziy Osiyo chempionatida yon qo‘shnilarimiz bo‘lmish Qozog‘iston, Qirg‘iziston, Tojikiston hamda mamlakatimizning erkaklar va ayollar milliy terma jamoalari g‘oliblik uchun o‘zaro musobaqalashadi.

Shuningdek, musobaqa doirasida Markaziy Osiyo davlatlari hakamlari uchun seminar-trening ham tashkil etilishi rejalashtirilgan.