IIV Transport va turizm obyektlarida xavfsizlikni taʼminlash departamentining maʼlum qilishicha, hodisa 10 may kuni soat 08:32 larda Dangʻara tumani Gʻumayli MFY hududida sodir boʻlgan.

«Andijon–Margʻilon–Toshkent» yoʻnalishida harakatlanayotgan 729-sonli yoʻlovchi poezi mashinisti temir yoʻl izlari orasida masts holda yurgan 1983 yilda tugʻilgan fuqaroni koʻrib, poezni zudlik bilan toʻxtatgan.

Shundan soʻng poezd «Qoʻqon–Buvayda» temir yoʻl bekatlari oraligʻidagi 7-kilometr 1-toʻsiqda qisqa muddatga toʻxtab qolgan.

Hodisa oqibatida hech kim jaroʻhat olmagan. Poezd soat 08:45 da harakatini davom etirgan.

Hozirda holat yuzasidan tegishli tekshiruv ishlari olib borilmoqda.