Tergov maʼlumotlariga koʻra, jinoyiy guruh aʼzolari vazifalarni oʻzaro taqsimlab olgan. Jumladan, Sh.U. «ombor mudiri», O.M. va O.T. «laborant», Sh.Oʻ. esa «qadoqlovchi» sifatida faoliyat yuritgan.

Tayyorlangan moddalarni aholi orasında, jumladan taʼlim muassasalari atrofida tarqatish uchun «tarqatuvchi»lar («zakladchiklar») jalb qilingan. Shuningdek, ijtimoiy tarmoqlar orqali onlayn narkodukon tashkil etilgan.

Jinoyiy faoliyatni amalga oshirish maqsadida ikki xonadon ijaraga olinib, ularda moddalarni saqlash va qadoqlash ishlari yoʻlga qoʻyilgan. Tezkor tadbirlar davomida bir qator «tarqatuvchi»lar ushlanib, ulardan 1 050 dona kuchli taʼsir qiluvchi vositalar va aloqa vositalari aniqlandi.

Shuningdek, Toshkent viloyatida oʻtkazilgan tintuv harakatlari davomida 9 kg «Pregabalin», 500 gramm «Tropikamid», 600 dona kapsuladagi preparatlar hamda qadoqlash uskunalari daliliy ashyo sifatida olindi.

Olmaliq shahridagi xonadondan esa qoʻshimcha ravishda 6 kg «Pregabalin» va 500 gramm «Tropikamid» moddalari aniqlandi.

Mazkur shaxslarga nisbatan Oʻzbekiston Respublikasi Jinoyat kodeksi 251-prim.1-moddasi asosida jinoyat ishi qoʻzgʻatilib, ularga nisbatan qamoq ehtiyot chorasi qoʻllandi. Tergov harakatlari davom etmoqda.