Хабарда жазылыўынша, себеплер қатарында артқа қарай ҳәрекетленип, адамларды өлтирип қойған қар тазалаўшы машина айдаўшыларының итибарсызлығы да болған. Арканзас ҳәм Техас штатларында бир неше жас өспиримлер шана ушып қайтыс болды. Нью-Йорк көшесинде 8 адамның өлиги анықланды. Барлық штатларда температура минус 12,3 градусқа шекем барады.
Сондай-ақ, ҳаўа-райының бузылыўы электр тәмийнатындағы ғалабалық үзилиске себеп болғанлығы айтылмақта. Агентлик тәрепинен келтирилген орынлардағы ҳәкимликлердиң билдириўине бола, электр тармақларын тиклеў ушын бир неше күн талап етиледи. Усы ҳәптениң ақырында АҚШтың Шығыс жағалаўы аймақларында және бир күшли қар жаўыўы мүмкин, деп жазады АР.
Буннан алдын NBC News телеканалы 23 штатта айрықша жағдай жәрияланғаны ҳаққында хабар берген еди. Қолайсыз ҳаўа-райы ҳаққындағы ескертиў АҚШтың 185 млн турғынына тәсир етип, 1 млн нан аслам тутыныўшы электр ҳәм ыссылықтан ажыралған. 25-январь күни мәмлекетте 10 мыңнан аслам авиарейслер бийкар етилди, деп жазбақта report.az.
