Усы бокс кешесинде өзбекстанлы еки былғары қолғап шебери - аўыр салмақтағы Баҳодир Жалолов ҳәм ярым жеңил салмақ категориясында WBA белбеўи ушын бурынғы даўагер Атабек Холматов рингке көтерилди.
Супер аўыр салмақ категориясындағы профессионал боксшимиз Баҳодир Жалолов украиналы Игор Шевазутскийге қарсы рингке көтерилди. 10 раунд етип белгиленген беллесиў толық даўам етти ҳәм жуўмағында Жалолов очколар есабына бола жеңиске еристи.
Беллесиўдиң үшинши раундында Баҳодир қарсыласын нокдаун жағдайына салды.
Бүгинги беллесиўдеги табыс арқалы 30 жасар Баҳодирдың жеңислери саны 15 ке жетти. Оның есабында ҳәзирше бирде-бир жеңилис ямаса теңбе-теңлик жоқ.
Филиппин ўәкили Жейсон Каной Манигосқа қарсы гүрес алып барған Холматов қарсыласын сегизинши раундта нокаутқа ушыратты. Ўәклимиз беллесиў даўамында тәжирийбели қарсыласын избе-из соққылары арқалы бир неше мәрте қыйын жағдайға салды. Соның ишинде, ол төрт, алты ҳәм жетинши раундларда Жейсонды нокдаун жағдайына түсирип, карьерасындағы 13-жеңисин қолға киргизди.
