Дәслеп спорт жарысының салтанатлы ашылыў мәресими болып, онда Басқарма баслығы С.Данияров шығып сөйледи ҳәм барлық қатнасыўшыларды киятырған байрам мүнәсибети менен қутлықлап, оларға әўмет тиледи.
Жарыста 250 ден аслам хызметкерлер қатнасты. Бул илаж ҳаял-қызлар арасында саламат турмыс тәризин үгит-нәсиятлаў ҳәм олардың спортқа болған қызығыўшылығын және де арттырыў мақсетинде өткерилди.
Қызғын беллесиўлер менен өткерилген жарыс жуўмағында биринши орынды Нөкис қаласы «Инсан» социаллық хызметлер орайы ийеледи. Сондай-ақ, Хожели районы 3-санлы қәнигелестирилген мектеп-интернаты командасы екинши, Шымбай районы 24-санлы көп тармақлы қәнигелестирилген мектепке шекемги билимлендириў шөлкеми командасы үшинши орынды ийеледи.
Жеңимпаз командалар шөлкемлестириўшилер тәрепинен диплом, естелик саўғалары ҳәм Басқарма баслығы кубоги менен сыйлықланды.
Азизбек Дабылов,
Қарақалпақстан хабар агентлиги шолыўшысы.
