"2025-2026-жылларда балаларды мектепке шекемги билимлендириў менен қамтып алыў дәрежесин арттырыў бойынша қосымша илажлар ҳаққында"ғы Ҳүкимет қарары (83-сан, 12.02.2025-ж.) қабыл етилди.
Қарарға бола, 2025-2026-жылларда балаларды мектепке шекемги билимлендириў менен қамтып алыў дәрежесин арттырыў бойынша илажлар бағдарламасы ҳәм 3-7 жастағы балаларды мектепке шекемги билимлендириў менен қамтып алыўдың мақсетли көрсеткишлери тастыйықланды.
Сондай-ақ, төмендегилер шөлкемлестириледи:
халықтың жасаў дәрежеси ҳәм төлеў қәбилети жоқары болған (кәмбағал шаңарақлар аз болған) мәҳәллелерде мәмлекетлик-жеке меншик шериклик тийкарында мәмлекетлик емес бақшалар;
алыс ҳәм шетки (район ҳәм қалалар орайында жайласпаған) мәҳәллелерде шаңарақлық мәмлекетлик емес бақшалар;
халықтың төлеў қәбилети төмен (кәмбағал шаңарақлар салыстырмалы көп болған) және демографиялық өсиў дәрежеси жоқары болған мәҳәллелерде мәмлекет, сондай-ақ, халықаралық финанс институтларының кредит ҳәм грантлары есабынан мәмлекетлик-жеке меншик шериклик тийкарында мәмлекетлик емес бақшалар;
социаллық тараў мәкемелериниң бос имаратларында қысқа мүддетли топарлар.
2025-жылдың ақырына шекем кәмбағал шаңарақлардың перзентлерин мектепке шекемги билимлендириў менен қамтып алыў тәмийинленеди.
