Онда, байрам ҳәм дем алыс күнлери медициналық мәкемелер жумысының үзликсизлигин тәмийинлеў мақсетинде жумыслар нәўбетшилик тийкарында шөлкемлестириледи.
2026-жыл 1-январьдан баслап мәмлекетлик медицина мәкемелеринде:
район (қала) дәрежесинде емлеўдиң жаңа усылларын енгизген ҳәм олардың унамлы нәтийжесине ерискен район (қала) медицина мәкемелериниң шыпакерлерине БЕМның 50 есеси муғдарында бир мәртелик ақшалай сыйлық төленеди;
мәмлекетлик медицина мәкемелеринде кеминде 15 жыл мийнет стажына ийе болған медицина ҳәм фармацевтика хызметкерлериниң перзентлерине жоқары билимлендириў мәкемелериниң бакалавриат тәлим бағдары бойынша бир жыллық контракт суммасының 30 проценти, бирақ БЕМниң 15 есесинен аспаған бөлеги төлеп бериледи;
ҳәр жылы мәмлекетлик медицина мәкемелеринде кеминде 15 жыл мийнет стажына ийе болған 500 медицина ҳәм фармацевтика хызметкерлерин турақ жай менен тәмийинлеў мақсетинде ипотека кредити тийкарында алынатуғын турақ жайлардың дәслепки төлеминиң 25 проценти төлеп бериледи.
