Қарарға муўапық, 2026-жылдан баслап спорт гүреслери бойынша төмендеги жарыслар турақлы өткериледи:
Өзбекстан Республикасы Президенти кубоги;
Бас прокурор кубоги;
"Өзбекстан батырлары" турнири;
Қураллы Күшлер ҳәм ҳуқық қорғаў уйымларының әскерий хызметкерлери ҳәм хызметкерлери арасында кубок ҳәм чемпионатлар өткериледи.
Өзбекстан спорт гүреслери ассоциациясы жанында Аймақлық спорт гүреслери академиясы (Академия) шөлкемлестириледи.
Спорт министрлиги жанындағы гүрес шеберлик мектеплеринде миллий гүрес ҳәм спорт гүреслери бойынша спортшылар таярлаў системасы жолға қойылады.
2026/2027-оқыў жылынан ҳәр бир район (қала) да бир улыўма билимлендириў мәкемеси негизинде спорт гүреслерине қәнигелестирилген спорт дөгереклери шөлкемлестириледи ҳәм гүрес шеберлик мектеплерине бириктириледи.
Спортшыларды заманагөй илимий-методикалық қатнаслар тийкарында таярлаў ушын сырт ел тренерлери ҳәм қәнигелери тартылады.
