Будапештте даўам етип атырған жәҳән чемпионаты шеңберинде Халықаралық дзюдо федерациясы (IJF) Атлетлер комиссиясының ағзалығы ушын сайлаў да өткерилмекте.
Өзбекстан дзюдо федерациясының мағлыўматына бола, даўыс бериў процеси басланған болып, сайлаўда аккредитациядан өткен спортшылар ғана даўыс бериў ҳуқықына ийе болады.
Итибарлы тәрепи, талабанлар арасында "Париж-2024" жазғы Олимпиада ойынларының жеңимпазы Диёра Келдиёрова да бар. Даўыс бериў процесинде оған Даря Билодид (Украина), Рёносуке Хага (Япония), Натан Кас (Австралия) ҳәм Кейтлин Куадрос (Бразилия) қарсыласады.
Қазақстанның Астана қаласында парадзюдо бойынша үш күн даўам еткен Азия чемпионаты жуўмақланды. Жарыстың жуўмақлаўшы күнинде командалық беллесиўлер өткерилип, ерлер ҳәм ҳаял-қызлар арасында Өзбекстан сайланды командасы гүмис медалға ийе болды.
Халықаралық дзюдо федерациясы (IJF) күн тәртибине киргизилген Aktau Asian Judo Open 2025 халықаралық турнири батыс Қазақстанда болып өтти. Өзбекстан сайланды командасы 16 медаль менен 10 мәмлекет арасынан жеңимпаз болды!
Перуда дзюдо бойынша жаслар арасында жәҳән чемпионатының жеке беллесиўлери жуўмақланды. Аўыр салмақ категориясында өткерилген жарыста Өзбекстан сайланды командасы 1 гүмис ҳәм 2 бронза медалын қолға киргизди.
Қытайдың Циндао қаласында өткерилип атырған абырайлы Гран-при турниринде өзбекстанлы дзюдошы Шаҳрам Аҳадов 73 килограммға шекемги салмақ категориясында гүмис медалға ийе болды.
Индонезияда дзюдо бойынша жас өспиримлер арасында континент бириншилиги жуўмақланды. Кеше болып өткен беллесиўлерде Өзбекстан сайланды командасы 3 алтын, 1 гүмис ҳәм 6 бронза медалын қолға киргизди.
Индонезияның Жакарта қаласында дзюдо бойынша жас өспиримлер арасында Азия чемпионаты басланды. Дәслепки жарыс күнинде-ақ Өзбекстан сайланды командасы спортшылары жоқары нәтийжелерди көрсетип, 8 медаль - 4 алтын, 2 гүмис ҳәм 2 бронза медальын қолға киргизди.
Қырғызстанның Шолпан ата қаласында Түркий мәмлекетлер III универсиадасы басланды. Дзюдо бойынша Өзбекстан сайланды командасы дәслепки жарыс күнинде 7 медаль - 3 алтын, 1 гүмис ҳәм 3 бронза медалын қолға киргизди.
