Саудия Арабстанында жеңил атлетика бойынша U18 жас категориясындағы Азия чемпионаты даўам етпекте.
Атап өтилиўинше, жарыстың екинши күни Өзбекстан сайланды командасы ушын нәтийжели өтип, атлетлеримиз 1 алтын ҳәм 3 гүмис медалына ийе болды.
Алтын медаль:
Садафбону Нусратуллаева (2000 метр, тосықлар арқалы)
Гүмис медаль:
Шахжахан Хайруллаев (2000 метр, тосықлар арқалы)
Насимахан Мамирова (2000 метр, тосықлар арқалы)
София Николаева (жети гүрес)
Қазақстанның Астана қаласында парадзюдо бойынша үш күн даўам еткен Азия чемпионаты жуўмақланды. Жарыстың жуўмақлаўшы күнинде командалық беллесиўлер өткерилип, ерлер ҳәм ҳаял-қызлар арасында Өзбекстан сайланды командасы гүмис медалға ийе болды.
Ҳиндстанның Ахмедабад қаласында суў спорт түрлери бойынша Азия чемпионаты даўам етпекте. Синхрон жүзиў бойынша Өзбекстан сайланды командасы жарыста табыслы қатнасып, 8 сыйлық - 2 алтын, 1 гүмис ҳәм 5 бронза медалын қолға киргизди.
Индонезияда дзюдо бойынша жас өспиримлер арасында континент бириншилиги жуўмақланды. Кеше болып өткен беллесиўлерде Өзбекстан сайланды командасы 3 алтын, 1 гүмис ҳәм 6 бронза медалын қолға киргизди.
Индонезияның Жакарта қаласында дзюдо бойынша жас өспиримлер арасында Азия чемпионаты басланды. Дәслепки жарыс күнинде-ақ Өзбекстан сайланды командасы спортшылары жоқары нәтийжелерди көрсетип, 8 медаль - 4 алтын, 2 гүмис ҳәм 2 бронза медальын қолға киргизди.
28-31-май күнлери Нөкис қаласындағы 1-санлы спорт мектебинде спорттың Белбеўли гүрес түринен Өзбекстан Республикасы Президенти сыйлығы ушын жас өспиримлер арасында Жәҳән ҳәм Азия чемпионаты болып өтти.
