Жойбар кестесине муўапық, қурылыс жумыслары усы жылдың сентябрь айына шекем жуўмақланып, жаңа имарат пайдаланыўға тапсырылыўы режелестирилген. Бул заманагөй билимлендириў орайы балалардың ҳәр тәреплеме раўажланыўы, оларда билим ҳәм көнликпелерди қәлиплестириў, сондай-ақ, олардың бақшаға болған муҳаббаты менен қызығыўшылығын арттырыўда үлкен әҳмийетке ийе.
– Ески балалар бақшасының имаратын бузып, 2 қабатлы заманагөй бақшамызды 20-август сәнесине тапсырыўды режелестиргенбиз. Ҳәзирги ўақытта 40 қа шамалас жумысшы қурылыс жумыслары менен шуғылланбақта, – дейди район ҳәкиминиң орынбасары Қ.Кошанов.
Жаңа бақшаның жумыс баслаўы менен мәҳәлледеги көплеген балалар сапалы тәлим-тәрбия алыў имканиятына ийе болады. Бул болса тек ғана балалар емес, ал жәмийеттиң келешеги ушын да үлкен жетискенлик болып есапланады.
Қарақалпақстан хабар агентлиги.
