Кешениң ең күтилген беллесиўлеринен бири ҳәўескер бокста еки мәрте Олимпиада чемпионы, жерлесимиз Ҳасанбой Дўстматов ҳәм филиппинли боксшы Марк Антонио ортасында болып өтти.
8 раунд даўам еткен толық беллесиўде Досматов белсенди ҳәм анық соққылар менен үстинликти қолға киргизди. Барлық төрешилер бир аўыздан жеңисти өзбекстанлы боксшының пайдасына баҳалады.
Усы тәризде, 32 жасар Ҳасанбой Досматов профессионал рингтеги 7-гүресте 7-жеңисин қайталады.
Ол соңғы беллесиўин 2023-жыл ноябрьде Россия Федерациясында Қубла Африка Республикасы ўәкили Сипхамандла Балеге қарсы өткерген ҳәм ол беллесиўде де очколар есабы бойынша жеңиске ерискен еди.
Оның бул ретки қарсыласы - 28 жаслы Марк Антонио профессионал карьерасындағы 15-гүресине майданға шықты. Оның есабында ҳәзирги ўақытта 11 жеңис ҳәм 3 жеңилис бар.
