Сөйлесиў ўақтында мәмлекетлер арасындағы экономикалық байланысларды беккемлеў, товар алмасыў көлемин көбейтиў ҳәм санаат кооперациясын раўажландырыўға қаратылған еки тәреплеме бирге ислесиўдиң тийкарғы мәселелери додаланды.
Тәреплер конструктивлик пикир алысып, жақын келешектеги анық ўазыйпаларды белгилеп алды. Атап айтқанда, өз-ара саўдада шеклеўлерди бийкарлаў, аўыл хожалығы өнимлерин жеткерип бериў ушын квоталар ажыратыў, товарлардың келип шығыўын сертификатлаўдың электрон системаларынан пайдаланыў, қадағалаў-өткериў пунктлерин модернизациялаў.
"Орайлық Азия" санаат кооперациясы халықаралық орайы" жумысын буннан былай да раўажландырыў имканиятлары ҳәм товар алмасыў көлемин 10 миллиард долларға жеткериў бағдарламасын муўапықластырыў процеси айрықша көрип шығылды.
Ушырасыў жуўмақлары бойынша тәреплер додаланған мәселелерди қысқа мүддетлерде әмелиятқа енгизиўге таяр екенлигин билдирди және анық мүддетлер ҳәм жуўапкер шахсларды белгилеп алды, деп хабар береди Инвестициялар, санаат ҳәм саўда министрлигиниң баспасөз хызмети.
