Пәрманға бола, креатив индустрия парки аймақларда оның филиаллары және оларда креатив тараў ўәкиллерин оқытатуғын бизнес мектеплери шөлкемлестириледи.
2025-жыл 1-майдан 2031-жыл 1-январьға шекем креатив парк резидентлерине төмендеги салық жеңилликлери енгизиледи:
социаллық салықты ҳәм физикалық шахслардан алынатуғын дәрамат салығын 50 процент азайтылған ставкада төлейди;
товарларды (жумысларды, хызметлерди) реализациялаўдан алынған дәрамат муғдарына қарамастан айланыстан алынатуғын салық төлеўшилер категориясына киргизиледи. Онда олар өз қәлеўине бола улыўма белгиленген салық салыў тәртибине өтиўи мүмкин.
Буннан тысқары, шет тиллер бойынша кеминде С1 дәрежедеги миллий ямаса оған теңлестирилген сәйкес дәрежедеги халықаралық тән алынған сертификатты алғанына 2 жылдан аспаған жасларға алыс ҳәм барыў қыйын болған аймақларда шет тиллерге қәнигелескен оқыў орайларын ашыў ушын 6 айлық жеңиллетилген дәўир менен 3 жыл мүддетке БЕМның 320 есесине шекемги муғдарда процентсиз.
