Усы жылы 18-20-март күнлери Москва қаласында "МIТТ-2025" халықаралық туризм ярмаркасы болып өтти.
Бул ярмаркада Туризм комитети ҳәм "Миллий PR-орайы" МУК тәрепинен "Өзбекстан" миллий стенди шөлкемлестирилди ҳәм елимиздиң туризм потенциалы жоқары дәрежеде көрсетилди.
Елимизде жумыс алып барып атырған 8 турфирма, «Uzbekistan airways» миллий авиакомпаниясы және Самарқанд, Сурхандәрья, Ташкент, Наўайы ўәлаятлары ҳәм Ташкент қаласы туризм басқармаларының ўәкиллери қатнасты ҳәм 100 ден аслам келисимлерге ерисилди.
Өзбекстан стенди көргизбедеги ең көп тамашагөйлер келген стендлерден бирине айланды. Көргизбениң биринши жумыс күнинде Өзбекстанның туристлик потенциалы ҳәм мәдениятына бағышланған стендте миллий аяқ ойынлары көрсетилди, туризмниң ҳәр қыйлы бағдарлары ҳаққында мағлыўматлар берилди. Онда мийманлар өзбек халқының бай мәденияты ҳәм тарийхы менен таныстырылды, деп хабар береди Туризм комитетиниң баспасөз хызмети.
Өзбекстан өзиниң ески тарийхы ҳәм бай мәдений мийрасы себепли россиялы туристлер арасында ең белгили жөнелислердиң ТОП-10 лығына киретуғынын атап өтиў керек.
MITT - 30 жылдан берли Москвада өткерилип киятырған Халықаралық туризм ҳәм миймандослық санааты көргизбеси. Бул туризм тараўындағы ең ири ҳәм әҳмийетли "В2В" илажларынан бири болып, ҳәр жылы дүньяның түрли мүйешлеринен келген тараў қәнигелерин бир жерге жәмлейди.
