Ушырасыўда әскерий хызметкерлер ҳәм нураныйлар, Қураллы күшлер академиясы тыңлаўшылары, соңғы жыллары әскерий тараўда жүргизилип атырған реформалар, соның ишинде, миллий армиямыздың жаўынгерлик қүдиретин арттырыўға қаратылған унамлы ислер, әскерий хызметкерлер ҳәм олардың шаңарақ ағзаларын социаллық қорғаў бойынша исленип атырған жумыслар кең түрде мақтаныш пенен атап өтилип, оқыўшы жаслардың қызықтырған сораўларына жуўаплар берилди.

Әскерий бөлим ҳүрметли қараўыл взводы әскерлери тәрепинен таярланған көргизбели қурал ҳәм жаўынгерлик өнери элементлери менен шығыўларлары оқыўшыларда айрықша тәсир қалдырды.

Нөкис гарнизонының Руўхыйлық ҳәм ағартыўшылық орайының әскерий оркестри тәрепинен таярланған йошлы концерт бағдарламасы болса, илаж қатнасыўшыларына өзгеше заўық бағышлады.

Усындай ушырасыўлардың бири Хожели районында да өткерилип, оған район басшылары, Жаслар аўқамы, Жаслар ислери агентлиги, районлық Қорғаныў бөлими ўәкиллери, бир топар әскерий хызметкерлер ҳәм аймақ жаслары қатнасты.

Көтериңки руўхта өткерилген бул илаж шеңберинде райондағы 15-санлы мектепте «Мәртлик ҳәм ерлик» сабақлары өткерилип, миллий армиямызда жүз берип атырған өзгерис ҳәм жаңаланыўлар, армиямыздың халықаралық майдандағы абырайы мақтаныш пенен тилге алынды.

Адилбай Оразов,

Қарақалпақстан хабар агентлиги шолыўшысы.