Буннан тысқары, көп қырлы ҳәм узақ мүддетли шерикликтиң ҳәр қыйлы бағдарларын қамтып алған еки тәреплеме ҳүжжетлер топламына қол қойылды. Олардан:
- Жеңиллетилген саўда ҳаққындағы келисим шеңберинде товарлар дизимин кеңейтиў ҳаққында протокол;
- Социаллық тәмийнат ҳаққындағы ҳүкиметлераралық келисим ҳәм оны әмелге асырыў бойынша ҳәкимшилик келисим;
- 2022-жыл 29-марттағы Мәмлекетлик шегаралар арқалы товарлар ҳәм транспорт қуралларын алып өтиў ҳаққында алдыннан мәлимлеме алмасыў ҳаққындағы протоколға өзгерислер киргизиў ҳаққында қосымша протокол.
Қол қойылған ҳүжжетлер саўда-экономикалық бирге ислесиўди буннан былай да кеңейтиў, исбилермен топарлар ушын қолайлы шараятлар жаратыў, сондай-ақ, еки мәмлекет пуқараларының социаллық ҳуқықларының нәтийжели қорғалыўын тәмийинлеўге қаратылған.
