Халықаралық пән олимпиадасына дүньяның көплеген мәмлекетлериндеги жоқары оқыў орынларының студентлери, соның ишинде, Әжинияз атындағы Нөкис мәмлекетлик педагогикалық институтының студент-жаслары да қатнасты.
Қуўанышлы тәрепи, халықаралық пән олимпиадасында институттың физика-математика факультетиниң студентлери Умида Махсутова ҳәм Маман Генжалиев сыйлы 3-орынды ийелеп, бронза медалын қолға киргизди.
– Студентлеримиз халықаралық шеңберде шөлкемлестирилген пән олимпиадасында устазларынан үйренген билим ҳәм көнликпелерин көрсетип, жоқары нәтийжелерге еристи. Әлбетте, бул институтымызда қәбилетли жасларды қоллап-қуўатлаў бағдарындағы алып барылып атырған үлгили жумыслардың нәтийжеси деп есаплаймыз, – дейди физика-математика факультетиниң деканы Рзамурат Жийемуратов.
Минажатдин Қутлымуратов,
«Янги Ўзбекистон» хабаршысы.
