Өзбекстанлы футбол төрешилери бәрқулла Азия көлеминде жоқары статусқа ийе болып келген. Жәҳән чемпионатларында төрешилик бойынша рекордлар, Азия кубокларының шешиўши ойынларын басқарыў, континент ҳәм жәҳән көлеминде ең жақсы төрешилик бойынша индивидуал сыйлықларды қолға киргизиў сыяқлы жетискенликлерди еске алыў мүмкин. Бүгинги күнде де төрешилеримиз халықаралық жарысларда турақлы қатнасып келмекте.

Бир неше әўладлар даўамында қәлиплескен төрешилик мектебин және де беккемлеў, жас төрешилерге профессионал дәрежеде билим ҳәм көнликпелер бериў, төрешилер арасында саламат бәсеки орталығын жаратыў арқалы жумыс сапасын ҳәм нәтийжелилигин арттырыў мақсетинде Өзбекстан футбол ассоциациясы жанында Төрешилер академиясы шөлкемлестирилмекте.