Бүгин, 20-февраль күни Ташкент қаласында Өзбекстан Республикасы Олий Мажлиси Сенатының төртинши жалпы мәжилиси өз жумысын баслады.
Онда Сенат, ҳүкимет ағзалары, министрликлер ҳәм уйымлардың ўәкиллери, жергиликли Кеңеслердиң депутатлары, Сенат жанындағы Жаслар парламентиниң ағзалары ҳәм ғалаба хабар қуралларының хызметкерлери қатнаспақта.
Жалпы мәжилисти Олий Мажлис Сенатының Баслығы Танзила Нарбаева алып бармақта.
Жалпы мәжилисте мәселелерди додалаў процесин Сенаттың YouTube тармағындағы бети арқалы онлайн бақлап барыўыңыз мүмкин, деп хабар бермекте Олий Мажлис Сенатының баспасөз хызмети.
Усы жылдың 19-март күни Сенат Баслығы Танзила Нарбаева Қытай Халық Республикасының Өзбекстандағы Айрықша ҳәм толық ҳуқықлы елшиси Юй Цзюнт басшылығындағы делегация менен ушырасыў өткерди.
Сенаттың бесинши жалпы мәжилисинде "Жаңа редакциядағы Өзбекстан Республикасы Конституциясы қабыл етилгенлиги мүнәсибети менен Өзбекстан Республикасының айырым нызам ҳүжжетлерине судлар жумысының және пуқаралардың ҳуқықлары менен еркинликлериниң кепилликлерин күшейтиўге қаратылған өзгерислер ҳәм қосымшалар киргизиў ҳаққында"ғы нызам сенаторлар тәрепинен додаланды.
Бүгин, 14-март күни Олий Мажлис Сенатында Россия Федерал Мәжилиси Мәмлекетлик Думасы Баслығы Вячеслав Володин басшылығындағы делегация ағзалары менен ушырасыў болып өтти.
Сенаттың Қорғаныў ҳәм қәўипсизлик мәселелери комитети жумысшы топарының мәжилисинде жуўапкер министрликлер ҳәм уйымлардың ўәкиллери тәрепинен Жынаят кодексиниң 266-статьясына (Транспорт қураллары ҳәрекети ямаса олардан пайдаланыў қәўипсизлиги қағыйдаларын бузыў) өзгерислер ҳәм қосымшалар киргизиў бойынша усыныслар додаланды.
Олий Мажлис Сенатының төртинши жалпы мәжилисинде "Исбилерменлик субъектлерин финанслық қоллап-қуўатлаў системасының жетилистирилиўи мүнәсибети менен Өзбекстан Республикасының айырым нызам ҳүжжетлерине өзгерислер ҳәм қосымшалар киргизиў ҳаққында"ғы нызам додаланды.
Сенаттың төртинши жалпы мәжилисинде "Өзбекстан Республикасында пуқаралардың ҳүждан еркинлигин тәмийинлеў ҳәм диний тараўдағы мәмлекетлик сиясат концепциясын тастыйықлаў ҳаққында"ғы нызам көрип шығылды.
Усы жыл 19-февральда Олий Мажлис Сенатының Баслығы Танзила Нарбаева Баку қаласында болып өткен Азия Парламент Ассамблеясының 15-жалпы сессиясы шеңберинде халықаралық шөлкемлер ҳәм парламентлердиң басшылары менен еки тәреплеме ушырасыўлар өткерди.
Бурын хабар етилгениндей, Өзбекстан Олий Мажлиси делегациясы Баку қаласында болып өткен Азия Парламент Ассамблеясының 15-жалпы сессиясында қатнасты.
