Қарарға муўапық, "Келажак" орайларында оқыў ушын ата-аналар төлеминиң төмендеги муғдарлары белгиленди:
2026-жыл 1-январьдан баслап:
- Ташкент қаласында - БЕМниң 30 проценти;
- ўәлаят орайларында - БЕМниң 25 проценти;
- республиканың басқа район (қала) ларында, сондай-ақ, Қарақалпақстан Республикасының Нөкис қаласы ҳәм Хорезм ўәлаятының Үргенш қаласында - БЕМниң 15 проценти;
- Қарақалпақстан Республикасы ҳәм Хорезм ўәлаятының қалған район (қала) ларында - БЕМниң 10 проценти;
2026-жыл 1-сентябрьден баслап:
- Ташкент қаласында - БЕМның 60 проценти;
- ўәлаят орайларында - БЕМниң 50 проценти;
- республиканың басқа район (қала) ларында, сондай-ақ, Қарақалпақстан Республикасының Нөкис қаласы ҳәм Хорезм ўәлаятының Үргенш қаласында - БЕМниң 30 проценти;
- Қарақалпақстан Республикасы ҳәм Хорезм ўәлаятының қалған район (қала) ларында - БЕМның 20 проценти муғдарында.
Қарар менен тастыйықланған Режеге муўапық, ағымдағы ай ушын төлем усы айдың 10-сәнесинен кешиктирмей төленеди. Онда сентябрь айы ушын төлем 30-сәнеге шекем төленеди.
Төмендегилер ата-аналар төлеминен азат етиледи:
"Кәмбағал шаңарақлар реестри"не киргизилген шаңарақлардың перзентлери (оқыўшылар улыўма санының 15 проценти муғдарында);
айрықша билимлендириў зәрүрликлери болған балалар ушын қәнигелестирилген мектеплер ҳәм мектеп-интернатлардың оқыўшылары;
улыўма билим бериў шөлкемлериниң инклюзив классларында оқып атырған жетим ҳәм ата-анасының қарамағынан айырылған балалар, айрықша билимлендириўге мүтәжлиги болған оқыўшылар.
