Бул глобал корпорация менен узақ мүддетли бирге ислесиўди және де кеңейтиў мәселелери көрип шығылды. Мәмлекетимиз автомобиль санаатын раўажландырыў ҳәм диверсификациялаўда General Motors International компаниясының орны ҳәм әҳмийети айрықша атап өтилди.
Соңғы 5 жылда компания тәрепинен 1,6 миллион дана автомобиль ислеп шығарылған болып, Өзбекстан Chevrolet бренди ушын АҚШтан кейинги екинши ири базар ҳәм Орайлық Азия және ҒМДА базарларында сатыў бойынша жетекши болып есапланады.
Өндирис кооперациясын буннан былай да раўажландырыў, ислеп шығарылып атырған өнимлердиң номенклатурасын кеңейтиў ҳәм локализациялаўды тереңлестириўге айрықша итибар қаратылды.
Заманагөй машина қурылысында талап жоқары болған жаңа технологиялар ҳәм шийки зат ресурслары тараўында қоспа жойбарларды әмелге асырыў перспективалары додаланды.
