Ушырасыў даўамында тәреплер инженерлик ҳәм техника тараўларында илимий-технологиялық бирге ислесиўди күшейтиў, алдынғы инженерлик мектеплерин жаратыў, Өзбекстанда Бауман атындағы Москва мәмлекетлик техника университетиниң филиалын ашыў, 11 бағдарды өз ишине алған биргеликтеги илимий изертлеўлер таңлаўын жәриялаў мәселелерин додалады.
Сондай-ақ, усы жылы 30-апрельде Ташкент қаласында болып өтетуғын ҒМДА инновациялық раўажланыў форумы ҳәм ҒМДА Илимий-техникалық ҳәм инновациялық тараўларда бирге ислесиў бойынша мәмлекетлераралық кеңестиң гезектеги мәжилисине байланыслы шөлкемлестириў жумыслары көрип шығылды.
Ушырасыў жуўмағында өз-ара стратегиялық байланысларды және де беккемлеў бойынша келешектеги бирге ислесиў бағдарлары белгилеп алынды, деп хабар бермекте Жоқары билимлендириў, илим ҳәм инновациялар министрлигиниң баспасөз хызмети.
