Бул жарыста Дакар-2026 жазғы жас өспиримлер Олимпиада ойынларына жолламалар ойналады.
Бул қарарды Пүткил жер жүзилик таэквондо федерациясы Бирлескен Араб Әмирликлериниң Фужайра қаласында болып өткен мәжилисте жәриялады.
Мәжилисте 2027-жылға шекемги болған ири жарысларға басшылық ететуғын мәмлекетлер анықлап алынды. Ташкент бул бағдарда Қытайдың Чунсин қаласы менен бәсекилескен.
Пүткил жер жүзилик таэквондо федерациясының Президенти Чунгвон Чои барлық жарысты өткеретуғын мәмлекетлер қатарында мәмлекетимизди де қутлықлап, жарыс жоқары дәрежеде өткерилетуғынына исеним билдирди.
Аўыр атлетика бойынша Өзбекстан сайланды командасы Доха қаласында болып өтип атырған Qatar Weightlifting Cup халықаралық турниринде қатнаспақта. Усы күнге шекем спортшыларымыз 6 медалды қолға киргизди.
Усы жылдың 16-21-декабрь күнлери Түркияның Анталия қаласында шахмат бойынша 9-17 жас категориясындағы қыз-жигитлер арасында жәҳән чемпионаты болып өтти. Жарыслар рапид ҳәм блиц бағдарлары бойынша өткерилди.
Футзал бойынша Өзбекстан сайланды командасы Бухара қаласында Россия сайланды командасы менен өз-ара гүрес өткерди. Жерлеслеримиз биринши таймнан кейин еки гол айырмашылығы менен жеңилип атырған болса да, екинши таймда қайтып келип, күшли жеңисти қолға киргизди.
Бирлескен гүрес дүньясы (United World Wrestling - UWW) тәрепинен усы жылдың декабрь айында 2025-жылғы спорт мәўсиминиң жуўмақлары бойынша дүнья жүзи рейтинги жәрияланды. Жаңаланған мағлыўматларға бола, грек-рим гүреси бойынша Өзбекстан сайланды командасының бир ўақыттың өзинде үш ўәкили өз салмақ категорияларында биринши орынларды ийеледи.
Ташкентте Өзбекстан медиа футбол лигасы - United MFL дәслепки мәўсиминиң басланыўына бағышланған конференция болып өтти. Илажда Спорт министрлиги, Миллий олимпиада комитети ҳәм Өзбекстан футбол ассоциациясының жуўапкерлери қатнасып, елимизде биринши мәрте әмелге асырылып атырған жойбарға ҳәр тәреплеме жәрдем берди.
Өзбекстан Республикасы Президентиниң "2027-жылы футбол бойынша U-20 жәҳән чемпионатына таярлық көриў ҳәм оны өткериў илажлары ҳаққында"ғы қарары қабыл етилди (15.12.2025-жыл ПҚ-376-санлы).
Өткен ҳәптениң ақырында ҳәр қыйлы мәмлекетлерде қылышласыў бойынша жаслар арасында Жәҳән кубогиниң басқышлары болып өтти. Ташкент қаласында шпага бойынша жас өспиримлер арасында өткерилген командалық жарыста спортшыларымыз үшинши орынды ийеледи. Венгрияда қылышпаз қызларымыз да бронза медалларын қолға киргизди.
Футбол бойынша Өзбекстан миллий сайланды командасының сәрдары Элдор Шомуродов күни кеше "Истанбул Башакшеҳир"диң "Самсунспор"ға қарсы сыртқы ойынында есапты ашып берди ҳәм голлы пас берди. Аббосбек Файзуллаев та дәслепки составтан орын алды.
7-14-декабрь күнлери Дубай қаласында (БАӘ) жас өспиримлер арасында Параазия ойынлары болып өтти ҳәм оның жуўмағында Өзбекстан сайланды командасы улыўма командалық есапта биринши орынды ийеледи. Миллий делегация күни кеше Ташкентке қайтты.
